Varianti i telefonit që bazohet në Ubuntu – Meizu PRO 5 tashmë është në shitje për 369.99 dollarë. Pajisja ishte paralajmëruar bashkërisht nga Meizu dhe Ubuntu në shkurt të këtij viti, dhe e njëjta është identike me modelin PRO 5, sa i përket karakteristikave harduerike.
Por kjo nuk është gjë e keqe, kur dihet se PRO 5 është definitivisht një pajisje me specifika të avancuara, edhepse tani e njëjta është pasuar nga modeli Pro 6.
Modeli i telefonit të ri që mbështetet në Ubuntu punon në Exynos 7420 octa-core, ndërsa sjell edhe ekranin në 5.7” 1080 x 1920 Full HD AMOLED.
Gjithashtu në të është përfshirë edhe 3GB RAM, 32GB memorie, kamerë të pasme me 21MP, 5MP në pjesën e përparme si dhe baterinë me 3050mAh.
