Qeveria indiane ka nisur “luftën” ndaj pornografisë pasi ka urdhëruar mbylljen e 857 faqeve pornografike në internet.
Në një dokument prej 17 faqesh, qeveria publikoi faqet që duheshin bllokuar për të ruajtur moralin e shtetasve indianë.
Kundër nismës së qeverisë indiane është edhe shkrimtari Chetan Bhagat “Censurimi i pornografisë është kundër lirisë dhe nuk është as një lëvizje e zgjuar politikisht. Nuk duhet ndërhyrë në jetën private të njerëzve”.
Pas Kinës, India është në vendin e dytë në botë, për numrin më të madh të përdoruesve të internetit.
