Acer po punon që të hyjë në tregun e segmentit të ulët të Windows Phone, me telefonin e saj të quajtur Liquid M220.
Ky telefon posedon një ekran WVGA prej 4-inç me rezolucion prej 480x800 piksel, procesor 1.2 GHz Dual-Core, 512MB RAM memorie, 4GB memorie të brendshme, kamerën prej 5MP në anën e pasme dhe kamerën e përparme 2MP.
Është e qartë se kompania Acer me këtë model dëshiron t’i bëjë konkurrencë me modelet e lira të Lumias, edhe pse është e dukshme se Liquid M220 është pak inferior ndaj modeleve të Microsoft-it.
Telefoni i Acer-it kushton vetëm 79 euro, që i bie të jetë në rangun e çmimeve me modelin Lumia 535. Ndërkohë Acer thekson se Liquid M220 mund të përditësohet edhe në Windows 10.
