Por krahas sukseseve ka pasur edhe një sërë dështimesh teknologjike të cilat ishin reklamuar me bujë.
Ja cilat janë disa nga dështimet teknologjike të vitit 2014.
Dështimet e vitit 2014:
Syzet e Google. Shitja e syzave të Google nuk ka qenë e lirë pasi duhej të rregjistrohesh më parë si përdorues në explorer, por edhe çmimi prej 1500 dollarësh është shumë i kripur. Megjithëse u ideuan për një përdorim në masë, vetëm disa specialistë apo kirurgë kanë blerë syze të tilla.
Orët e zgjuara. Edhe këto janë ndër dështimet e vitit. Samsung, Motorola apo Microsoft u përpoqën që të krijonin këto orë të zgjuara por përdorimi i tyre ka qenë shumë i pakët.
Portofoli dixhital. Programi i quajtur Isis, që më pas ju ndërrua emri për shkak të ngjashmërisë me atë të Shtetit Islamik nuk njohu një përdorim të gjerë. Programi i krijuar për të bërë pagesa online nuk eci sipas pritshmërive duke bërë që ky projekt të mbyllej.
Fire Phone i Amazon. Smartfoni 3D që arrin “të njohë” produktet ka përfunduar shitjet në mënyrën më të turpshme. Ai shitet në SHBA tani për vetëm 0.99 cent.