Çmontimi i pajisjes tregon se Fire Phone është shumë i vështirë për tu riparuar duke cilësuar vështirësinë 3/10. Sipas drejtuesve të kanalit “iFixit”, vlerësimi 10/10 është për telefonët më të thjeshtë për riparim, ndërsa ai 1/10 për ato me shkallën më të lartë të vështirësisë.
Në pjesën e jashtme të tij, që përfshin kapakun, çmontimi është shumë i thjeshtë. Problemi qëndron në pjesët e brendshme të pajisjes. Heqja e baterisë është shumë e vështirë pasi ekziston rreziku i thyerjes së kapësve, që e mbajnë atë në vend pa lëvizur.
4 kamerat dinamike të telefonit janë të ngjitura me një ngjitës të fortë, gjë e cila e bën të pamundur heqjen e tyre. E vetmja mënyrë që mund të realizojë heqjen e tyre me sukses është përdorja e nxehtësisë dhe thikave për prerje, gjë e cila do t`i dëmtonte ato dhe do t`i bënte të papërdorshme.
Një problem tjetër që shfaqet në riparimin e këtij telefoni është se shumë pjesë të tij ndajnë me njëra-tjetrën të njëjtat lidhje. Ky fakt bën që zëvendësimi i njërës prej këtyre pjesëve do të sillte edhe ndryshimin edhe të përbërësve të tjerë funksional.
