Dominimi i kompanisë Apple si brendi numër një i smartfonëve në SHBA si duket ka mbetur në shifrën 41 % të tregut. Samsung po fiton avantazh duke marrë pjesë të tregut nga konkurrenti kryesor me shpejtësi dhe duke kapur shifrën rekord prej 27 %. Në pesëshen e parë qëndrojnë edhe LG, Motorola dhe HTC. Në luftën e platformave mobile, Google qëndron në krye me Android-in e saj, dhe Apple ka marrë vendin e dytë me iOS. Ndërkohë që platforma mobile e Google ka rënë disa herë vitin e kaluar dhe e filloi 2014-ën duke humbur përsëri, ka arritur të tejkalojë platformën e Apple. Në pesëshen e parë qëndrojnë edhe Microsoft, Blackberry dhe Symbian.
Të dhënat më të fundit vijnë nga comScore, kompani kjo e cila rregullisht mbikëqyr mbi 30,000 përdorues mobil në SHBA. Kjo firmë kërkimore thotë se 163.2 milion amerikanë kanë një smartfon (68.3 % pentretim të smartfonëve) në shkurt, 7 % më shumë se në nëntorin e vitit të kaluar.
comscore_smartphone_oems_february_2014Siç mund ta shihni, Apple fitoi 0.1 % në numri e përdoruesve, ndërkohë që Samsung fitoi 1.0 %. LG-ja fitoi 0.3 % dhe Motorola ka rënë me 0.4 %. Po ashtu edhe HTC-ja ka rënë me 1 %. Këta tre të fundit kanë ndryshuar disa herë vendet dhe luftën e tyre e bëjnë për vendin e tretë. Samsung e ka tejkaluar Apple në disa muaj në vitin 2013 dhe 2014 përsa i përket rritjes së pjesës së tregut. Me Galaxy S5 që po vjen, ka shumë gjasa që iPhone 5S dhe 5C nuk do të munden ti bëjnë ballë vërshimit të Sasmung-ut në tregun amerikan, mbase duhet ta provojnë me iPhone 6.
HTC-ja po përballet me shumë vështirësi dhe të gjithë i kanë sytë nga HTC One M8. Motorola si duket akoma nuk ka ndonjë strategji. LG-ja ka arritur të rikuperojë, megjithëse se nuk disponohen numra të shitjeve të Nexus 5. Përsa i përket softuerit, Google vazhdon të dominojë. Kjo e thënë ndryshe, Android humbi në muajt e fundit të vitit 2013 dhe pati një rënie në janar të 2014-ës, më një rikuperim të vogël në shkurt. Sistemi operativ mobil i Google fitoi 0.2 % në mars. Apple u rrit me 0.1%. Blackberry ra me 0.6 %, Microsoft fitoi 0.3 % dhe Symbian qëndroi në 0.2 %. Windows Phone po fillon të çimentojë vendin e saj të tretë që e mori nga Blackberry në fillim të këtij viti. Android dhe iOS së bashku kanë 93.4 % të tregut. (PCWorld Albanian)
