Ohri dhe Struga, qytetet me fatura më të larta të ujit për pije - Bota Sot
Ohri dhe Struga, qytetet me fatura më të larta të ujit për pije

Struga

E diel, 18 shkurt 2018

Ohri dhe Struga, qytetet me fatura më të larta të ujit për pije

Më: 28 janar 2018 Në ora: 16:45
Ilustrim

Faturat e janarit për ujë, të cilat në adresë të struganëve do të duhej të mbërrijnë këtyre ditëve do të jenë më të larta. Është vendosur taksë e re administrative në lartësi prej 60 denarëve, por ka edhe ndryshime tjera. Për njerëzit e parë të ndërmarrjes publike për furnizim me ujë “Proakva”, nuk bëhet fjalë për rritje, por për korrigjim të çmimit.

Por, qytetarët nuk mendoj kështu. Sipas tyre, kjo është edhe një goditje e shtetit mbi xhepin e tyre të cekët.

“Ky pushtet një tregon, tjetër vepron, e diçka tjetër mendojnë. S’kam çfarë të them më tepër, lërmëni”.

“Nuk është mirë. Le ti rrisin pagat dhe atëherë le ta shtrenjtojnë rrymën. Jo, vetëm që u shtrenjtua rryma, u shtrenjtua uji, u shtrenjtua gjithçka, ndërsa pagat shkojnë edhe më poshtë“.

Reagojnë edhe nga sektori civil. Prej atje shprehen se ngritja e çmimit nuk do të sjellë asgjë të mirë.

“Ajo me çka ne sot si qytetarë përballemi është rezultat i pasojave nga problemet që krijohen në 17 vitet e kaluar. Tani tentojmë me ndalesa, restrikcione dhe korrigjime të çmimeve të përmirësojmë diçka që nuk mund të përmirësohet me masa të vogla, e që megjithatë drejtohen ndaj atyre që nuk janë fajtorë për problemet”, tha për Alsat, Dimitar Gollaboski nga OJQ “Akva” Strugë.

Faturat e ujit do të jenë më të larta edhe në Ohër, ku është vendosur taksë administrative prej 70 denarëve.

Sot mund të lexoni Shfletoni kopertinat
Sondazh
    test