Futbollisti i kombëtares së Kosovës, Flamur Kastrati, me ekipin e tij, Stromsgodset, ia dolën të fitojnë me rezultat bindës 4:1 ndaj Viking-ut, në ndeshjen e javës së 15-të të Kampionatit të Norvegjisë. Kastrati luajti në dy minutat e fundit dhe iu gëzua trepikëshit me Stromsgodset, kurse Zymer Bytyqi luajti nga minuta e 54 për Viking-un, por nuk iu shkoi ndoresh. Viking renditet në vend të pestë me 25 pikë, një më shumë se Stromsgodset që qëndron një pozitë më poshtë.