Wladimir Klitschko mbetet kampion bote për peshat e rënda. Boksieri 39 vjeçar ukrainas, ka dalë i pamposhtur edhe ndaj Bryant Jennings, duke mbrojtur titullin botërorë.
Meçi mes Klitschko dhe Jennings, zgjati 12 raunde, dhe fituesi u përcaktua me vendim të gjyqtarëve.
Klitschko që regjistroi fitoren e 64 në karrierë, nuk i dha shumë hapësirë Jennings, duke ia shkaktuar humbjen e parë në boksin profesionist, pas 19 fitoreve.
Ky është viti i 11 që Klitschko mbetet në krye të boksit në peshat e rënda, nga humbja e fundit në vitin 2004 nga Lamon Brewster.