Sportistja e talentuar shqiptare Ajla Kadriji (46 kg) vazhdon me shkëlqimin e saj në turnet e forta të mundjes nëpër Kroaci,.
Në turneun “World Wrestling” festival në Poreç të Kroacisë, 13-vjeçarja e zuri vendin e dytë në konkurrencë individuale, ndërsa vendin e parë me ekipin e reprezentacinit të Kroacisë.
Është ky edhe një sukses tjetër i jashtëzakonshëm i mundeses së re shqiptare me origjinë nga fshati Dobërdoll i Gostivarit.
Mirëpo, për Ajlën nuk ka pushim, pasi ajo nga nesër nis përgatitjet një javore për kampionatin europian U15 vjet, i cili do të zhvillohet gjatë muajit qershor në qytetin hungarez Kaposhvar.
Kujtojmë se, Ajla para pak kohësh, si pjesë e reprezentacionit të Kroacisë, e fitoi medaljen e argjendtë në turneun e fuqishëm ndërkombëtar “Arena Open 2023” në Pula të Kroacisë.