Pas 9 ditë garash të zhvilluara në Hotelin Grand Prishtina, ka përfundua Kampinati vetjak i Kosovës në shah për të rritur, garë kjo e organizuar me moton " Festivali i shahut" nga Federata e Shahut e Kosovës u zhvilluan sipas sistemit zvicëran me 9 xhiro. Ashtu edhe siç pritej, titullin e Kampionit të Kosovës për vitin 2022 e fitoi, Mjeshri Ndërkombëtar, Nderim Saraçi duke tubuar 8,5 pikë
Ai nga 9 parti të zhvilluara shënoi 8 fitore dhe pati një remi me Mjeshrin tjetër Ndërkombëtar, Bedri Sadikun. Për Saraçin ky është titulli i 9-të në Kosovë.
Nënkamion i Kosovës doli Mjeshtri i FIDE-së, Gani Hamiti me 7,5 pikë sa patën edhe Bedri Sadiku dhe Albert Zenuni, por Hamiti pati Buhollcin më të mirë, kurse pozita e pestë i takoi, Hysen Zenunit me 6 pikë. Kampioni, Nderim Saraçi pos titullit u fitoi edhe 500 euro. U shpërblyen edhe katër shahistët e tjerë që patën plasman më të mirë.
U ndanë edhe disa çmime të tjera.
Hysen Zenuni ishte më i dalluari ndër veteranë, kurse Enver Berisha ishte i dyti.
Kampionët do ta përfaqësojnë Kosovën në Kamponatin Evropian që në fillim të marsit 2023 mbahet në Banjën e Vranjës në Serbi.
Më i dalluari për U18 ishte, Lorik Hamiti.
Bardh Avdiu fitoi çmimin me elo 1900 në shahun rapid, kurse Fatmir Qorri atë me elo 2100 në shahun blic.
Titullin e kampionit në shahun rapid e fitoi Endrit Uruçi, kurse në atë blic, Korab Saraçi.
Këta dy të fundit do ta përfaqësojnë Kosovën në Kampionatin Evropian që mbahet nga 15-18 dhjetor 2022 në Katovicë të Polonisë.
Drejtësinë në garat e këtij kampionati e ndanë: Burhan Misini, gjyqtar ndërkombëtar/kryesor/, Besnik Berisha, gjyqtar ndërkombëtar si dhe Fatmir Gërguri dhe Fadil Pireva, gjyqtarë FIDE.
Ky kampionat është mbështetur nga Banka Private e Biznesit/BPB.
