Delegacioni i SHGSK-së i udhëhequr nga presidenti Edmond Thaçi dhe anëtari i Bordit, Ejup Llumnica, u pritën nga Ambasadorja e Republikës së Kosovës në Romë, Lendita Haxhitasim.
Gjatë takimit, njoftuam ambasadoren për arsyen e vizitës në Romë, ku po marrim pjesë në Kongresin e 84-të të AIPS-as dhe prezantimin e Kosovës në këtë kongres, ku po marrin pjesë gjithë gazetarë sportivë nga mbarë bota.
Ishte kënaqesi nga ambasadorja të njoftohemi për punën e kësaj ambasade e cila luan një rol të rëndësishëm në prezantimin e diplomacisë së Kosovës në Itali.
Shkëlqesia e saj, ambasadorja Haxhitasim, ishte kurioze të mësojë më shumë për punën dhe aktivitetet e komunitetit të gazetarisë sportive në Kosovë.
Ajo tha se krenohet me të arriturat e sportistëve tanë, andaj edhe gazetarët janë ambasadorët më mirë në prezentimin e vlerave të tyre anembanë botës.
Gjatë dy ditëve të ardhshme, delegacioni i SHGSK-së do të ketë edhe takime tjera, që janë në interes të komunitetit tonë.
