Giuseppe Massani ishte një fotograf italian. Thuhet se kishte lindur në Romë në vitin 1901 dhe kishte studiuar në Universitetin e Bolonjes në fillimin e viteve 1920.
Massani u bë një mbështetës i flaktë i lëvizjes në rritje fashiste në Itali dhe bëri emër me një album të parë me foto të Musolinit dhe fashizmit italian, La sua terra [Toka e tij], në Bergamo 1936.
Ai pastaj filloi botimin e albumeve nga rajone të ndryshme të Italisë: Sicilia në 1938 dhe Liguria në vitin 1939.
Në prill të vitit 1939, Shqipëria u pushtua nga forcat italiane dhe u bë pjesë e Perandorisë së re Romake të Musolinit.
Ishte ky momenti i duhur për Massanin për të prezantuar “territorin e ri të Italisë” përtej Adriatikut për publikun italian.
Nuk ka dyshim se me mbështetjen e qeverisë italiane, ai udhëtoi gjerësisht në Shqipëri në vitin 1940 dhe kishte prodhuar disa nga fotot më të mira zi-e-bardhë të bëra ndonjëherë në Shqipëri.
>>Për të shikuar të gjithë albumin, klikoni KËTU
