Plot 1500 banorë të fshatit Troshan në Njesinë Administrative të Blinishtit në Lezhë, kërkojnë ndërhyje për sistemimin e infrastrukturës rrugore.
Banorët thonë se segmenti me një gjatësi 3 km që kalon përmes fshatit dhe lidhet me rrugën kryesore është plotëisht i shkatërruar.
Gropat e mëdha me uji dhe balta janë panorama që të serviret në këtë fshat, duke vështirësuar lëvizjen e banorëve.
“Kemi problem rrugën, përroin që ku fryhet izolon Shkollën, ambulancën. Cdo fushatë vijnë e na premtojnë se do ndërtojnë urën por vetëm premtime asgjë tjetër”
Edhe ura e ndërtuar nga vetë banoret në përroin e fshatit rrezikon të shembet nga prurjet e shumta të ujit, ndërsa mbajtëset anësore të saj janë dëmtuar plotësisht.
Në këto kushte, banorët e fshatit Troshan thonë se ndihen te braktisur nga pushteti vendor dhe ai qëndror.
