Bashkia e Elbasanit ka nisur aksionin për lirimin e trotuareve nga karriget dhe tavolinat e lokaleve, përgjatë rrugëve kryesore të qytetit.
Gjatë aksionit uniformat blu janë hasur me kundërshtimin e pronarëve të lokaleve. Personat që bënë rezistencë ndaj policisë, iu janë sekuestruar tavolinat dhe karriget.
Sipas informacioneve nga terreni, policia bashkiake arriti të lironte trotuaret në rrugët “Rinia” dhe “11 Nëntori”, ndërkohë që në vazhdim në qendër të aksionit do të jetë bulevardi kryesor i qytetit.
