Në zgjedhjet e 21 qershorit në Tepelenë do të jenë tre kandidatë që do të garojnë për postin e kryebashkiakut.
Përveç kandidatit të mazhorancës Tërmet Peçi, Dritan Memushi, një tjetër emër i PS do të kandidojë si i pavarur.
Ai është propozuar nga shoqëria civile dhe vjen në një moment kur ka pasur shumë pakënaqësira lidhur me kandidaturat e propozuara nga kreu i PS Rama.
Memushi ka thënë për gazetën Shqip se ai është prej 20 vjetësh anëtar i PS dhe ka mbetur i pakënaqur pasi nuk u kandidua nga e majta dhe vendosi të dalë i pavarur.
“Ky është një leksion demokracie i qytetarëve tepelenas dhe një leksion për PS për të vlerësuar ata që kanë dhënë kontribut në vite”, ka thënë Memushi.
Memushi thotë se nuk i është kërkur të tërhiqet nga e majta.
“Më kanë quajtur tradhëtar fillimisht por kam folur edhe me Ramën dhe askush nuk më ka kërkuar të tërhiqem”, tha ai.
E djathta ka kandiduar Veip Çelën në Tepelenë i cili mund të përfitojë nga “lufta” mes dy kandidatëve socialistë.
