Shoqata e “Personave me Aftësi të Kufizuar”, ka dalë në protestë para Kryesisë së Kuvendit, për të kundërshtuar projektligjin për këtë kategori, sipas të cilëve cenohen të drejtat e tyre duke favorizuar qeverinë.
Sinan Tafaj, kreu i “Personave të Verbër”, ka deklaruar se ligji redukton pagesat ndaj PAK-ut dhe shtron një terren të lire që Veliaj me fondacionet e tij të bëjë ç’të dojë.
Ndërkohë, Ministria e Mirëqenies Sociale dhe Rinisë në një deklaratë për shtyp ditën e djeshme, theksoi se ky projektligj sjell risi, respekton barazinë e të drejtave për të gjithë grupimet e personave me aftësi të kufizuara dhe bazohet mbi Konventën e OKB-së mbi këtë grupim.
Sipas Ministrisë procesi i hartimit është bazuar në një bashkëpunim me aktorë të ndryshëm, institucione në nivel qendror dhe vendor, dhe përfaqësues të organizatave të fushës së aftësisë së kufizuar.
