Zhupa i kundërpërgjigjet Kumbaros: Ministre Mjedisi që shkatërron mjedisin. Do mbushësh zonat e mbrojtura me “pika të vogla” resortesh

Shqipëria

Zhupa i kundërpërgjigjet Kumbaros: Ministre Mjedisi që shkatërron mjedisin. Do mbushësh zonat e mbrojtura me “pika të vogla” resortesh

Më: 2 mars 2024 Në ora: 19:17
Deputetja e PD-së, Ina Zhupa

Deputetja e PD-së, Ina Zhupa ka reaguar pas një interviste televizive të ministres Kumbaro ku kjo e fundit mbronte ndërtimet në zonat e mbrojtura duke u shprehur se është dritëshkurtësi të anatemosh ata që investojnë.

Ina Zhupa i kujton Kumbaros që nuk po jepen zonat e mbrojtura nga publike, në toka private për oligarkët, falas për të ndërtuar dhe ky veprim është kriminal dhe kundër të mirës publike.

Postimi i Zhupës:

Pafytyrësia dhe papërgjegjshmëria e një ministre mjedisi që mbron publikisht shkatërrimin e mjedisit!
Mirela Kumbaro do mbush zonat e mbrojtura me “pika të vogla” resortesh private, klientësh dhe familjarësh të pushtetit dhe këtë e quan dritëgjatësi!!!!

“Të anatemosh ata që investojnë është dritëshkurtësi” shprehet Kumbaroja e ligjit në një intervistë televizive. A thua se po investojnë në tokën e tyre, në biznes privat dhe po anatemohem për këtë?!

Ndërkohë që Kumbaro po shkatërron zonat e mbrojtura duke i kthyer praktikisht në toka truall, ku mund të ndërtohen edhe betonizohen.

Këto toka do jepen falas për oligarkët, do shndërrohen nga publike në private, duke shkatërruan edhe gjithë mjedisin dhe ekosistemin e vecante që kanë. Këto qënkan veprime dritëgjata për një ministre?!

Në fakt këto veprime janë kriminale, ligje klienteliste, me porosi që shkatërrojnë shtetit e së drejtës dhe të mirën publike.

Projekti i Divjakës është njeri prej shkatërrimeve që është gati, por rradhën e ka Shushica, Pishë-Porro, Parku Kombëtar i Butrintit edhe dhjetra pika të tjera.

Mirela duhet të dilte në televizione vetëm për të lajmëruar dorëheqjen e saj, nëse do kishte dinjitet, me këtë masakër mjedisore që kanë përgatitur.

commentFirst article
Sot mund të lexoni Shfletoni kopertinat