Roja Bregdetare e Shqipërisë zgjidhet drejtuese e Forumit të Funksioneve të Rojeve Bregdetare të Vendeve të Mesdheut për vitin 2024.
Minsitri i Mbrojtjes së Shqipërisë, Niko Peleshi përmes një postimi në Facebook, bëri të ditur se Shqipëria po bëhet pikë reference për zhvillimin e politikave rajonale për sigurinë detare.
“Pjesëmarrja aktive në diskutimet mbi sektorët kyç të #BlueEconomy, si siguria detare, transporti detar, peshkimi dhe turizmi bregdetar, bën Shqipërinë një pikë reference për zhvillimin e politikave rajonale për sigurinë detare”, ka shkruar ai.
Tutje, ministri Peleshi njofton se në vjeshtën e këtij viti ky forum do të mbahet në Shqipëri me pjesëmarrjen e 42 delegacioneve dhe organizatave ndërkombëtare, si ngjarja më e rëndësishme për zhvillimin e politikave rajonale për sigurinë detare.
