Ministri për Evropën dhe Punët e Jashtme, Igli Hasani do të jetë nesër në një vizitë zyrtare në Maqedoninë e Veriut.
Ai pritet të takohet me homologun e tij, Bujar Osmani, me të cilin do të mbaje edhe një konferencë të përbashkët.
Ministri gjithashtu do të takohet me zëvendëskryeministrin e parë, Artan Grubin dhe me Kryetarin e Kuvendit, Talat Xhaferin.
Ditën e sotme Hasani ishte në një vizitë në Kosovë dhe më 18 janar pritet të vizitojë Malin e Zi.
Agjenda e vizitës në Maqedoninë e Veriut:
08:50 / Takim me Ministrin për Punët e Jashtme, z. Bujar Osmani
09:40 / Konferencë për mediat e ministrave Hasani dhe Osmani
10:10 / Takim me Zëvendëskryeministrin për Çështjet Evropiane, Bojan Mariçiç
14:30 / Takim me Zëvendëskryeministrin e parë, z. Artan Grubi dhe Kryetarin e Partisë BDI, z. Ali Ahmeti
15:10 / Takim me Kryetarin e Kuvendit, z. Talat Xhaferi
16:00 / Takim me Kryetarin e PDSH, z. Menduh Thaçi
16:45 / Takim me Kryetarin e Partisë Demokratike Evropiane, z. Arjanit Hoxha
17:25 / Takim me Kryetarin e Aleancës për Shqiptarët, z. Arben Taravari.
