Ngjarja e ndodhur dy ditë më parë në Vlorë ku u ekzekutua me snajper Gëzim Sinomati, ka vënë në lëvizje autoritetet.
Drejtori i Përgjithshëm i Policisë së Shtetit, Muhamet Rrumbullaku ka zhvilluar takime prej dy ditësh në Drejtorinë e Vlorës. Mësohet se është ngritur një grup i posaçëm për të hetuar dhe zbardhur ngjarjen.
“Po bashkëpunohet me agjencitë ligjzbatuese brenda dhe jashtë vendit. Janë grumbulluar një numër i madh i pamjeve filmike në zonë”.
Gjithashtu mësohet se Rrumbullaku ka urdhëruar hartimin e një plani të detajuar operacional kombëtar, për parandalimin e ngjarjeve kriminale dhe për goditjen e grupeve kriminale.
