Ndërsa në nisje të muajit dhjetor, ministri i Brendshëm, Taulant Balla shpalli listën e punonjësve të parë të Policisë së Shtetit, që përmbushin kriteret për të përfituar kredi me zero interes për banesë.
Ndërsa jemi vetëm dy ditë larg ndërrimit të viteve, programi i kredive të garantuara nga qeveria për shtëpitë e familjeve të reja të punonjësve të policisë, mjekëve dhe ushtarakëve, ka nisur me çeljen e dyerve të para.
Të premten e 29 dhjetorit, ka përfituar shtëpinë e tij të re, inspektori i Policisë së Shtetit, Redin Çaushaj.
Në banesën e tij ishte i pranishëm edhe vetë ministri i Brendshëm, Taulant Balla, jo vetëm për të uruar Vitin e Ri, por edhe për të promovuar këtë program që do të vijojë në vitet në vazhdim për të gjithë shërbëtorët e denjë të shtetit, në mbrojtje të atdheut, rendit dhe shëndetit publik.
“Dhuratë më të bukur se sa një shtëpi për vit të ri nuk mund të kesh”, i tha Balla Çaushajt.
