Dy vajza të moshës 19 dhe 16 vjeçe dyshohet se janë përdhunuar në Berat.
Policia bën me dije se në lidhje me rastin janë arrestuar dy persona A. N., 33 vjeç dhe A. Sh., 20 vjeç.
“Specialistët për Hetimin e Krimeve të Komisariatit të Policisë Berat vunë në pranga shtetasit A. N., 33 vjeç dhe A. Sh., 20 vjeç, të dy banues në Berat, pasi dyshohet se kanë kryer marrëdhënie seksuale me dhunë, me 2 shtetase 19 dhe 16 vjeçe”-njofton policia.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.
