Euronews Albania ka siguruar vendimin për vlerësimin e masës së sigurisë për ish-kryeministrin, Sali Berisha.
Në dosje mësohet se avokatja Valentina Teodoresku që u caktua kryesisht nga Gjykata e Posaçme GJKKO për seancën e marrjes në pyetje dhe vlerësimin e masës së sigurisë për Berishën ka kërkuar që të rrëzohet kërkesa e Prokurorisë së Posaçme SPAK dhe të urdhërohet që t’i drejtohet Kuvendit.
Siç ka deklaruar ajo, Berisha është deputet dhe duhet të respektohet Kushtetuta.
Ndërkohë, përfaqësues të Partisë Demokratike e kanë cilësuar Teodoreskun “patronazhiste” dhe “komuniste”. Në një deklaratë për gazetarin e Euronews Albania, Eni Ferhati ajo tha se pavarësisht akuzave është treguar profesioniste.
Ish-kryeministri është person nën hetim nga GJKKO për korrupsion pasiv, pasi përmes akteve ligjore ka favorizuar dhëndrin për privatizimin e ish-kompleksit sportiv “Partizani”.
Ndaj ish-kryeministrit Berisha janë vendosur masat e sigurisë “detyrim paraqitjeje” dhe “ndalim i daljes jashtë shtetit” për akuzën “korrupsion pasiv”
