Shtohen fondet per investimet publike. Në fokus të qeverisë për vitin e ardhshëm duket se do të jetë përfundimi i projekteve strategjike në infrastrukturë,hekurudha porte e aeroporte.Në projektbuxhetin e vitit të ardhshëm fondet për realizimin e investimeve publike janë planifikuar në masën 5.3% e PBB ose 128.5 miliardë lekë.
Nëse e krahasojmë me një vit më parë shuma e akorduar për investime është rritur me mbi 6 miliardë lekë për ti dhënë shtysë realizimit të projekteve.Në një kohë që procesi i rëndërtimit është drejt përmbylljes në draftbuxhet është parashikuar një fond në shumën 7 miliardë lekë për të përfunduar edhe ndërhyrjet e fundit në rrugë e objekte.
Por përtej vijimit me projektet ekzistuese në projektbuxhet parashikohen edhe një sërë investimesh të reja me impact për ekonominë. Në listën e projekteve që do të financohen janë Tuneli i Llogarasë, Porti Detar i Durrësit në Porto Romano, hekurudha Tiranë-Rinas dhe Tiranë-Durrës etj.
Synohet gjithashtu Zgjerimi i rrjetit të rrugëve kombëtare nëpërmjet, ndërtimit, rehabilitimit si dhe zgjerimi i aksesit dhe cilësisë së shërbimit të ujit të pijshëm dhe kanalizimeve.
Investime parashikohen edhe në sektorin e energjisë kryesisht në drejtim të reduktimit të mëtejshëm të humbjeve të energjisë elektrike, rritja e prodhimit vendas së energjisë elektrike si dhe shtimi i përdorimit të biokarburanteve në sektorin e transportit.
