Dy data të njoftuara për konstituimin e Këshillit Bashkia kanë sjell përplasje mes anëtarëve të ri dhe kryetarit të zgjedhur me administratën dhe policinë bashkiake të Hasit. Këshilltarët dhe kryetari i zgjedhur Miftar Dauti janë ndaluar të hyjnë në sallën e mbledhjes së Këshillit dhe dera ka qenë e kyçur.
Më pas grupi i këshilltarëve prej 12 të zgjedhurish nga 21 që ka gjithsej këshilli i Bashkisë Has ka vijuar mbledhjen në hollin e katit të parë të godinës së bashkisë të improvizuar.
Në këtë moment ka mbërritur kryetari në ikje i Bashkisë së Hasit Liman Morina, i cili u ka kërkuar anëtarëve prezent të ulen për diskutim për zhvillimin e mbledhjes në një ditë tjetër, kërkesë kjo e refuzuar nga anëtarët e djathtë.
13 anëtarët e këshillit kanë vijuar normalisht punën në verifikimin e mandateve për këshilltarët prezent, zgjedhjen e kryetarit të ri të këshillit e betimin e kryetarit të ri të Bashkisë Has Miftar Dauti.
