Një grua është gjetur e mbytur në liqenin e Pogradecit. Gazetari Roland Beqiraj raporton se viktima është vënë re nga kalimtarë të rastit, të cilët kanë lajmëruar menjëherë policinë.
Kjo e fundit ka rrethuar perimetrin dhe është duke kryer hetimet e caktuara. Ndërkohë ende nuk dihet identiteti i viktimës. Sipas informacioneve, mendohet të jetë mbi 70 vjeç.
Nga këqyrja paraprake e trupit të viktimës nuk janë konstatuar shenja dhune. Nga hetimet e para, dyshohet se e moshuara është vetëmbytur.
Njoftimi i policisë:
Mëngjesin e sotëm, në lagjen nr. 3, në liqenin e Pogradecit, është gjetur dyshohet e vetëmbytur një shtetase mbi 70 vjeçe. Nga këqyrja paraprake e trupit të viktimës nuk janë konstatuar shenja dhune. Grupi hetimor po punon për identifikimin e saj dhe zbardhjen e rrethanave të ngjarjes.
