Një 43-vjeçar këmbësor është aksidentuar për vdekje mbrëmjen e sotme (7 prill). Aksidenti ka ndodhur në rrugën Milot-Rubik, ku shoferi i një “Benzi” përplasi këmbësorin.
Panorama TV meson se viktima eshte Mark Lleshi, ndersa shoferi Pjeter Nikolli.
Drejtuesi i mjetit është shoqëruar në polici, ndërsa po punohet për zbardhjen e rrethanave të aksidentit.
“Rreth orës 21:00, në aksin rrugor Milot-Rrubik, shtetasi P. N. 63 vjeç, banues në Rrëshen, duke drejtuar automjetin e tij tip “Benz”, ka aksidentuar shtetasin M. Ll. 43 vjeç, banues në Fan, Mirditë, këmbësor, i cili për pasojë ka ndërruar jetë.
Drejtuesi i mjetit është shoqëruar në ambientet e policisë për veprime të mëtejshme procedurale ndërsa grupi hetimor vazhdon veprimet hetimore në vendin e ngjarjes për zbardhjen e plotë të rrethanave të aksidentit”, thuhet në njoftimin e policisë.
