Një aksident ka ndodhur në aksin Korçë-Pogradec në afërsi të fshatit Pirg. Një automjet ka përplasur këmbësorin F.Z 64-vjeç, që për pasojë ka humbur jetën.
Njoftimi: Më datë 19.11.2022, rreth orës 17:20, në aksin rrugor Korçë-Pogradec, në afërsi të fshatit Pirg, Maliq, automjeti tip “Audi” me drejtues shtetasin A. R., ka përplasur këmbësorin F. Z., rreth 64 vjeç, banues në fshatin Pirg, Maliq, i cili për pasojë ka gjetur vdekjen.
Me shtetasin A. R., po kryhen veprimet e mëtejshme procedurale. Grupi hetimor po punon për përcaktimin e shkaqeve të aksidentit.
