Një mësues është shoqëruar nga policia e Beratit, pas denoncimeve se ai ka ngacmuar seksualisht nxënësen e tij 14-vjeçare. Ngjarja ka ndodhur në shkollën e fshatit Barç në Skrapar, ndërsa policia thotë se mësuesi 62-vjeçar akuzohet për “ngacmim seksual”.
Gjithashtu, në ambientet e policisë Berat i është marrë deklarata nxënëses 14 vjeçe, në prani të prindit të saj, psikologut dhe avokates.
“Mbi rastin e transmetuar në emisionin investigativ ”Fiks Fare”, për një nxënëse 14 vjeçe që ka pohuar se është ngacmuar seksualisht nga mësuesi i saj, në shkollën e fshatit Barç, Skrapar, sqarojmë opinionin publik se:
Shërbimet e Komisariatit të Policisë Skrapar e kanë shoqëruar menjëherë shtetasin S. B.(mësues), në ambientet e Komisariatit.
Gjithashtu, në ambientet e DVP Berat, i është marrë deklarata nxënëses 14 vjeçe, në prani të prindit të saj, psikologut dhe avokates.
Në përfundim të veprimeve, shërbimet e Policisë kanë referuar materialet në prokurori dhe ka nisur procedimi penal për shtetasin S. B., 62 vjeç, banues në fshatin Barç, Skrapar, për veprën penale “Ngacmimi seksual”, thuhet në njoftimin e policisë.
