Me kërkesë të prokurorisë së Tiranës, Gjykata ka liruar nga qelia, Fatos Alimadhin.
Përmbaruesi Alimadhi u arrestua dy ditë më parë, pas kallëzimit të një shtetasje për bllokimin e llogarisë bankare padrejtësisht.
Gjykata ka kërkuar nga prokuroria të hetojë për skemën e përmbaruesit, si dhe të verifikohet kallëzimi i shtetases.
Sipas dosjes, kredia është marrë në një bankë të nivelit të dytë dhe më pas është shitur tek një tjetër institucion financiar mikro kredie.
Rezulton se kredimarrësi ka ndërruar jetë 10 vite më parë dhe kredia e marrë duhej shlyer me siguracionin e jetës.
Në ambientet e gjykatës ishte i pranishëm edhe vëllai i të arrestuarit, ish-deputeti Adriatik Alimadhi.
