Moti i keq dhe i paqëndrueshëm ka prekur edhe Qarkun e Elbasanit, ku disa zona janë përfshirë nga reshje të shumta shiu ndërsa në ato malore ka pasur edhe dëborë.
Por mësohet se akset rrugore nacionale janë të hapura për qarkullimin e automjeteve.
Në disa segmente Elbasan-Qafe Thanë, Librazhd-Stërblevë si dhe Gramsh-Moglicë ka pasur prani inertesh por pa problem për lëvizjen e makinave.
Aksi rrugor Stëblevë-Klenjë ka prezencë të dëborës por deri më tani automjetet qarkullojnë normalisht. Moti i keq ka shkaktuar probleme për furnizimin me energji në Njësinë Administrative të Treganit.
