Të burgosurit që vuajnë dënimin në burgun e Peqinit prej mëngjesit të sotëm kanë hyrë në grevë. Sipas burimeve, të dënuarit e Godinës B, që është burg i sigurisë së lartë, kanë refuzuar ushqimin dhe po ashtu kanë refuzuar të dalin jashtë.
Mësohet se ushqimin e kanë pranuar vetëm persona që ndodhen në paraburgim.
Shkak i grevës mësohet se është bërë refuzimi i kërkesës së të dënuarve për të takuar familjarët. E njëjta situatë paraqitet edhe në burgun e Burrelit dhe të Fushë-Krujës.
Takimi me familjarët është ndaluar për shkak të rregullave që janë vendosur për të kufizuar përhapjen e pandemisë.
