Spitali i Pogradecit me anë të një deklarate ka reaguar në lidhje me vdekjen e 46-vjeçares Anila Bazelli ditën e djeshme (28 shtator) në ambientet e spitalit.
Familjarët e 46-vjeçares akuzojnë spitalin për mjekim të pakujdesshëm,ndërsa shefi i shërbimit në spitalin e Pogradecit, Vasfi Topçiu u shpreh se janë duke pritur për analizën mjeko-ligjore.
"Jam këtu për të bërë një deklaratë në emër të Drejtorisë së Shërbimit Spitalor Pogradec lidhur me ngjarjes e zhvilluar gjatë ditës së djeshme. Së pari e ngushëllojmë familjen për humbjen e njeriut të tyre të dashur, në radhë të parë si mjek, pro edhe si bashkëqytetar.
Së dyti personeli i urgjencës së spitalit me paraqitjen e të sëmurës në institucion i është përgjigjur menjëherë gjendjes së saj, ka reaguar menjëherë në dhënien e ndihmës për të. Ne për të pasur të dhëna më të sakta jemi në pritje të ekspertizës mjeko-ligjore."
I pyetur se në çfarë gjendje u paraqit 46-vjeçarja Topçiu u shpreh: "Nuk kam asnjë deklaratë tjetër për të bërë, përveç kësaj, jemi në pritje të përgjigjes mjeko-ligjore.
