Gjykata e Tiranës vendos masën e sigurisë “arrest me burg” në mungesë për 30-vjeçarin Rigers Lala.
Ky i fundit u arrestua dy ditë më parë për “armëmbajtje pa leje”, ndërsa mëngjesin e sotëm mundi të arratisej nga ambjentet e komisariatit nr.1 të Policisë në Tiranë ku po mbahej në paraburgim.
Lala është arratisur sot rreth orës 08:00, ndërsa sipas asaj që mëson Ora News, 30-vjeçari ka shtyrë efektivin e policisë që po e shoqëronte për ti marrë shenjat e gishtave e më pas është larguar me vrap.
Policia ka ngritur postoblloqe në disa zona të Tiranës për të bërë të mundur kapjen e tij, por deri tani pa sukses.
