Valët e të nxehtit po tregojnë gjithnjë e më shumë një tendencë për të zgjatur më gjatë, sipas një studimi të publikuar në faqen e internetit të revistës Science Advances.
Hulumtimet e mëparshme janë marrë kryesisht me frekuencën dhe intensitetin e valëve të nxehtësisë, por jo shumë kanë studiuar se si lëvizin ato në hapësirë dhe kohë.
Ndërsa valët e të nxehtit, ashtu si stuhitë dhe fenomenet e tjera meteorologjike, lëvizen nga erërat, shpjegoi për AFP, Wei Zhang, një nga autorët e studimit, i cili u publikua të premten.
Gjatë dekadave të fundit, valët e të nxehtit kanë tentuar të “lëvizin gjithnjë e më ngadalë“, shpjegoi ai. Një element që do të thotë “si mund të qëndrojnë në një zonë për një periudhë më të gjatë”, dhe kjo “ka pasoja të mëdha për popullsinë e saj”.
Studiuesit analizuan valët e të nxehtit në një shkallë globale midis viteve 1979 dhe 2020, duke përdorur modele të bazuara kryesisht në radarët e motit dhe vëzhgimet satelitore. Analiza e tyre tregoi se çdo dekadë, shpejtësia e lëvizjes së valëve të të nxehtit zvogëlohej me rreth 8 kilometra në ditë. Ata vunë re gjithashtu se kohëzgjatja mesatare e valëve të të nxehtit shkoi nga rreth 8 orë në vitet 1980 në 12 në fund të periudhës në studim.
Ata gjithashtu regjistruan se valët e të nxehtit tani arrijnë shumë më larg se më parë dhe konfirmuan rritjen e shpeshtësisë së këtyre fenomeneve.
Studiuesit më pas shikuan rolin e ndryshimeve klimatike në këto ndryshime. Për këtë qëllim, ata përdorën modele klimatike për të simuluar dy skenarë, me dhe pa emetim të gazrave serrë dhe krahasuan rezultatet me sjelljen aktuale të valëve të nxehtësisë.
