Space X ka nënshkruar një marrëveshje për të lëshuar deri në katër satelitë evropianë të navigimit dhe komunikimit të sigurt, raportoi sot Wall Street Journal.
Komisioni Evropian, si dhe vendet anëtare të BE-së nuk kanë dhënë ende miratimin përfundimtar për marrëveshjen, sipas raportit të gazetës, i cili citon zyrtarët.
SpaceX dhe Agjencia Evropiane e Hapësirës nënshkruan kohët e fundit një marrëveshje për dy lëshime vitin e ardhshëm, secili me dy satelitë Galileo, tha për WSJ Javier Benedicto, një nga drejtorët e agjencisë.
Sipas marrëveshjes, satelitët do të lëshohen në një raketë SpaceX Falcon 9 nga Shtetet e Bashkuara, shtoi ai.
