Nga soja te quinoa, farat rriten ndryshe në hapësirë sesa në tokë. Pa tërheqjen gravitacionale të Tokës, bimët luftojnë mënyrën per tu rritur dhe ato janë gjithashtu të ekspozuara ndaj rrezatimit kozmik . Kjo mund të bëjë që farat të ndryshojnë, gjë që mund të rezultojë në varietete të reja, më të fuqishme ose produktive të bimëve, si kulturat rezistente ndaj thatësirës që mund të rriten në kushte të kripura.
StarLab Oasis me bazë në Abu Dhabi, dëshiron të rrisë farat në hapësirën e jashtme në mënyrë që të zhvillojë varietete bimore që mund të mbijetojnë në një Tokë më pak mikpritëse. Në vitin 2023, StarLab Oasis pret të dërgojë farat e para në orbitë.
Me krizën klimatike që i bën shumë kultura ushqimore më të vështira për t'u rritur, disa shkencëtarë dhe sipërmarrës po kërkojnë zgjidhje përtej planetit tonë.
Dërgimi i farave në hapësirë do të ndihmojë “qëndrueshmërinë, ndryshimet klimatike dhe sigurinë ushqimore në Tokë”, thotë për CNN Business, bashkëthemeluesi i StarLab Oasis, Allen Herbert.
Kina ka dërguar fara në orbitë që nga vitet 1980 , duke rezultuar në përdorimin e varieteteve të reja të kulturave nga fermerët. Në vitin 2022, Agjencia Ndërkombëtare e Energjisë Atomike dhe Organizata e OKB-së për Ushqimin dhe Bujqësinë lëshuan farërat në hapësirë për herë të parë, me synimin për të zhvilluar kultura për t'i bërë ballë ndryshimeve klimatike. Studiuesit shpresojnë të zhvillojnë prodhimin e ushqimit në hapësirë, duke projektuar sisteme jashtë Tokës që mund të prodhojnë ushqim për misionet më të gjata hapësinore në Hënë ose Mars
