Kina ia ka dalë me sukses të fusë misionin e saj në një orbitë rrotull Marsit.
‘Tianwen-1’ përbëhet nga një orbitues dhe një rover dhe do të studiojë karakteristikat e atmosferës, si edhe strukturën dhe përbërjen e sipërfaqes së planetit.
Gjatë misionit, pritet që ‘Tianwen-1’ të dërgojë imazhe mbresëlënëse të Marsit, në rezolucion të lartë.
Inxhinierëve do t'ju duhet kohë përpara se të lëshojnë robotin në sipërfaqen e planetit, gjë që pritet të ndodhë nga muaji maj.
Kjo arritje sjell në vëmendje progresin e shpejtë që po bën programi hapësinor i Kinës dhe ndjek misionin po aq mbresëlënës për marrjen e mostrave të gurëve dhe dheut nga Hëna e Tokës.
‘Tianwen-1’ është një nga tre misionet që mbërrijnë në Mars këtë muaj.
Sonda "Hope" e Emirateve të Bashkuara Arabe arriti me sukses të hynte në orbitën e planetit të martën, ndërsa javën e ardhshme, NASA do të çojë një nga roverët e saj në sipërfaqe.
