Objekti misterioz prej metali është shfaqur edhe në Britani të Madhe. Mediat angleze raportojnë se një ditë më parë, më 1 Janar, një monolit ishte parë në Salisbury.
Objekti rreth 3 metra i lartë u zbulua nga një kalimtar që kishte nxjerrë qentë për shëtitje.
Ishte ora 07:00 e mëngjesit kur pa objektin e shndritshëm mbi një kodër.
Pasi u afrua, kuptoi se bëhej fjalë për monolitin që është shfaqur edhe në disa vende të tjera të botës.
“Ishte një mëngjes i pazakontë”, thotë personi që e zbuloi.
Në sipërfaqen e këtij objekti kishte edhe një mbishkrim, urim për Vitin e Ri. “Duket si një vepër arti”, thotë i njëjti person.
Për herë të parë, objekti misterioz u shfaq në shkretëtirën e Utah në SHBA. Më pas, monolitet u panë edhe në Kanada, Poloni, Angli etj.
