Humbja e nuhatjes nga Covid-19 mund të jetë për shkak të një faktori rreziku gjenetik, sugjeron një studim i fundit.
Ndërsa shkaku i saktë i humbjes së nuhatjes nga Covid-19 mbetet i paqartë, shkencëtarët amerikanë besojnë se virusi dëmton qelizat e një pjese të hundës të quajtur epiteli i nuhatjes.
Qelizat në këtë pjesë të hundës mbrojnë neuronet e nuhatjes, të cilat ndihmojnë njerëzit të ndjejnë aromat.
Duke përdorur të dhëna nga kompania e testimit të gjenetikës 23andMe, studiuesit në SHBA krahasuan dallimet gjenetike midis njerëzve që rezultuan pozitivë për Covid-19 dhe humbën ndjenjën e shijes ose nuhatjes, dhe atyre që nuk e bënë këtë.
Ata identifikuan një vend – pozicionin specifik të një gjeni në një kromozom – pranë dy gjeneve, UGT2A1 dhe UGT2A2, shkruan Independent.
Gjenet UGT2A1 dhe UGT2A2 shprehen brenda epitelit të nuhatjes. Ato luajnë një rol në mënyrën se si ne metabolizojmë aromat.
Është e paqartë se si UGT2A1 dhe UGT2A2 përfshihen në proces, por këto “gjene mund të luajnë një rol në fiziologjinë e qelizave të infektuara dhe në dëmtimin funksional që rezulton që kontribuon në humbjen e aftësisë për të nuhatur”, thuhet në studim.
Të gjithë 69,841 personat që morën pjesë në studim kishin Covid-19 dhe 68 për qind raportuan një humbje të nuhatjes ose shijes.
Humbja e nuhatjes është raportuar më shumë gratë sesa nga burrat e prekur me koronavirus.
Përveç kësaj, shkencëtarët zbuluan se njerëzit me origjinë aziatike ose afrikano-amerikane kanë më pak gjasa të raportojnë një humbje të nuhatjes ose shijes
