Viti i ri sapo ka nisur dhe është koha perfekte për të vendosur disa objektiva. Përveçse të qëndrojmë në formë, është shumë e rëndësishme edhe të jemi të shëndetshëm. Ekspertë të ndryshëm shëndeti japin disa këshilla të rëndësishme për të qëndruar në formë dhe të shëndetshëm. Daily Mail ka përmbledhur sugjerimet e tyre, që po jua sjellim më poshtë.
Merrni më shumë rreze dielli
Një mënyrë e thjeshtë për të rritur hormonet e lumturisë është nëpërmjet rrezeve të diellit. Serotonina, një nga hormonet e lumturisë, prodhohet nga trupi falë dritës natyrale. Gjithashtu, rrezet e diellit sigurojnë edhe vitaminën D, e cila ndikon në fortësinë dhe shëndetin e kockave.
Konsumoni ushqime të pasura me prebiotikë
Për të përmirësuar shëndetin e stomakut dhe jo vetëm, duhet të përfshini në dietën tuaj ushqime që përmbajnë prebiotikë. Patatet, sallata, qepa etj. janë ushqime që përmbajnë prebiotikë.
Hani herët në darkë
Të hash darkë herët ndihmon shumë në tretje dhe në cilësinë e gjumit.
Përtypeni ushqimin më shumë për të mos shtuar kilogramë
Ndoshta nuk e dinit, por përtypja e gjatë e ushqimit do t'ju ndihmojë të mos shtoni shumë kilogramë pasi do të ndiheni të ngopur më gjatë.
Ushtroni veshët
Gjithmonë e lëmë pas dore shëndetin e veshëve, por është shumë e rëndësishme të ushtroni veshët tuaj. Uleni volumin e muzikës derisa të mos ju pengojë të bisedoni. Pastaj veçoni një instrument në këngë dhe vazhdoni ta dëgjoni. Duke bërë këtë gjë përditë do të ushtroni veshët tuaj.
Bëni gjumë cilësor
Kur bëni gjumë të mirë gjatë natës mund t'i mbani emocionet nën kontroll dhe gjithashtu rritet kreativiteti. Po ashtu, shmangni pirjen e alkoolit para gjumit.
