Shtetet e Bashkuara u zhvendosën një hap më afër për t’u rikthyer në normalitet këtë javë me vaksinat e para Covid, tek punonjësit e kujdesit shëndetësor në të gjithë vendin. Përhapja e vaksinave është një shenjë shpresëdhënëse për ditë më të mira në të ardhmen.
Si parashikohen muajit në vazhdim, sipas Dr.Fauci dhe disa epidemiologëve të tjerë. Ata kanë përgjigjet për disa pyetje kryesore.
Çfarë këshille keni për familjet ‘e etura’ që duan t’i kalojnë festat me të dashurit e tyre?
“Mos lejoni që nipi të vijë në shtëpi dhe të ‘vrasë’ gjyshen. Mendoni për këtë si Lufta e Dytë Botërore - ushtarët tanë nuk arritën të fluturojnë për në shtëpi për të ngrënë gjel deti. Babai im ishte në Normandi. Nëna ime ishte me Kryqin e Kuq në Austrinë e okupuar. Ata i humbën pushimet. Jeta vazhdoi. Kishte vite më të lumtura më vonë.” - Donald G. McNeil Jr, reporter i shëndetit dhe shkencës
A do të shkojmë përsëri në një ‘party’ të madhe, të mbushur me njerëz, pa maskë?
"Nëse niveli i infeksionit në komunitet duket i konsiderueshëm, ju nuk do të bëni party me miqtë në mjedise të mbyllura. Nëse niveli i infeksionit është i ulët, si dhe rreziku i vogël, ju do të keni përsëri në mbledhje normale, duke bërë ahengje, apo party. Nëse duam të kthehemi në normalitet, merrni mesazhin tim: Kur vaksina të vihet në dispozicion, vaksinohuni.” - Dr. Fauci
A duhet të presim që 75% e popullsisë të vaksinohet para se të mund të udhëtojmë përsëri normalisht?
“Unë mendoj se udhëtimet do të fillojnë të lehtësohen pasi të vaksinohen shumë më pak se kaq. Unë mendoj se do të jetë gradual.” - Dr. Fauci
Për sa kohë do të mbajmë maska?
"Nëse arrihet imunitet të tufës, atje ku nuk ka infeksione përreth, nuk do të duhet të vishni një maskë gjatë gjithë kohës. Ju mund të dëshironi ta vendosni atë, nëse do të jeni në një vend të mbushur me njerëz, por nuk do të duhej të keni ashpërsinë që keni tani. Në fund të fundit, unë mendoj se do të duhet të kalojmë nga veshja e maskës gjatë gjithë kohës, në veshjen e saj në rrethana të caktuara. " - Dr. Fauci
Si do të duket normalja e re?
“Normalja e re do ta vazhdojë maskimin për 12 deri në 18 muajt e ardhshëm dhe ndoshta për vitet e ardhshme. Ky është një ndryshim i paradigmës.”
Çfarë mësuat nga jeta pandemike?
“Qëndrimi në shtëpi me fëmijët e mi më ka mësuar se jeta me më pak detyra dhe aktivitetet është disi e bukur. Mendoj se në të ardhmen do të shkurtojmë detyrimet tona, për të qenë më shumë familjarë. " - Jennifer Nuzzo, profesor i asociuar
Çfarë zakoni pandemik do të mbetet gjatë?
"Unë do të mbaj maskën time dhe do ta vesh në turma dhe në metro, veçanërisht gjatë sezonit të ftohjes dhe gripit. Dikur sëmuresha gjithë kohën, por prej muajsh nuk kam pasur ftohje apo dhimbje fyti. Më pëlqen shumë të mos sëmurem! ” —Tara Parker-Papa
