Përgatitja e kësaj recete:
1 pako petë të gatshmedrejtkëndore (sfoliat)
200 g rikotë
4 sotilete ( djathë me feta të holla e të buta)
150 g proshutë e zier në feta ose kuba
kripë e piper i zi
Përgatitja:
Shtojmë petët sfoliat në një tavë të veshur me letër furre. I mbushim në mes, duke lënë bosh dy shirita anësorë 4-5 cm, me një shtresë rikotë, një shtresë me copëza djathi sotilete e proshutë të zier dhe së fundi, me një shtresë tjetër të hollë rikote. I hedhim pak kripë dhe piper të zi. E mbyllim kalconet duke kthyer shiritat e lënë bosh të petëve në të dy anët, e duke i shtypur me gishta që të ngjiten mirë me njëri-tjetrin.
Kthejmë gjithashtu edhe dy anët e tjera të drejtkëndëshit që kemi formuar, që mbushja të mos dalë jashtë gjatë pjekjes. E vëmë kalconet në furrë me 180 gradë për aq kohë sa të zverdhet mirë e të fryhet. Presim dhjetë minuta para se ta shërbejmë, që e brendshmja të mpikset e të forcohet pak.
