Në zgjedhjet lokale në Maqedoninë e Veriut, opozita ka fituar bindshëm. Zorav Zaev reagoi duke dhënë dorëheqjen si kryeministër e kryetar i partisë, LSDM.
Zaev në paraqitjen e parë publike pas mbylljes së vendvotimeve, rezultatet e LSDM-së i vlerësoi si një humbje e madhe, dhe si pasojë ka dhënë dorëheqjen e parevokueshme si kryeministër i vendit dhe si kryetar i partisë.
“Përgëzoj kundërshtarët tanë për fitoren në këto zgjedhje. Unë marr përgjegjësinë për këtë humbje politike, përfshirë edhe rezultatet e këtyre zgjedhjeve. Jap dorëheqjen si kryeministër dhe kryetar i LSDM-së”, ka deklaruar Zaev.
Mirëpo, pavarësisht se ai deklaroi që kjo dorëheqje erdhi si shkas i humbjeve të zgjedhjeve, shumë pak e besuan.
Reagimet qenë të mëdha në lidhje me këtë dorëheqje të papritur për opinionin publik, mirëpo me skenar nga vet Zaevi.
Në zgjedhjet lokale në Maqedoninë e Veriut, opozita ka fituar bindshëm. Zorav Zaev reagoi duke dhënë dorëheqjen si kryeministër e kryetar i partisë, LSDM.
Zaev në paraqitjen e parë publike pas mbylljes së vendvotimeve, rezultatet e LSDM-së i vlerësoi si një humbje e madhe, dhe si pasojë ka dhënë dorëheqjen e parevokueshme si kryeministër i vendit dhe si kryetar i partisë.
“Përgëzoj kundërshtarët tanë për fitoren në këto zgjedhje. Unë marr përgjegjësinë për këtë humbje politike, përfshirë edhe rezultatet e këtyre zgjedhjeve. Jap dorëheqjen si kryeministër dhe kryetar i LSDM-së”, ka deklaruar Zaev.
Mirëpo, pavarësisht se ai deklaroi që kjo dorëheqje erdhi si shkas i humbjeve të zgjedhjeve, shumë pak e besuan.
Reagimet qenë të mëdha në lidhje me këtë dorëheqje të papritur për opinionin publik, mirëpo me skenar nga vet Zaevi.
Kjo dorëheqje erdhi pikërisht në një krize të thellë që po paralajmërohet në Bosnjë e që nuk përjashtohet edhe mundësia e një konflikti apo luftë të serbëve.
Së fundmi në lidhje me këtë ngjarje ka reaguar edhe ish-deputetja e Lidhjes Demokratike të Kosovës Melihate Tërmkolli, ka thënë se ngjarjet e fundit në Maqedoninë e Veriut janë shqetësuese.
Sipas saj, dorëheqja e Zaev-it nuk ishte e rastësishme.
Analistët gjithashtu për “Bota sot”, thonë që kjo dorëheqje përmban në vete një prapavijë politike e cila do të krijojë krizë në Maqedoninë e Veriut.
Gabimet gjeopolitike antishqiptare të 1913 kanë mbetur
Një nga intelektualët e rrallë shqiptarë, ndër të parët ka alarmuar se dorëheqja e Zaevit nuk është thjeshtë dorëheqje, por më shumë se ka parapvijë skenari. Antropologu Përparim Kabo, ka shkruar se Ballkani ndodhet në fazë ndryshimesh, kryesisht për shkak të padrejtësive ndaj shqiptarëve. Për ta parë këtë, ai mendon se duhet një shikim përtej rajonit. “Largimi tij (Zaevit) flet më shumë dhe duhet lexuar më thellë dhe me tejshikim gjeorajonal”, shkroi Kabo.
Sipas tij, tani ka shpresa për një korrigjim të fatit politik të shqiptarëve në Ballkan. Edhe rezultatet zgjedhore, në Maqedoni, Kosovë, e më pas edhe në Shqipëri nuk janë të rastësishme. Sipas tij, edhe një rikonfigurim territorial i Ballkanit do të ndodhë.
“Ballkani po shqepet. Ishte qepur keq që me 1913 dhe me 1919, po kështu në 1945 dhe në 1990. Ndryshimi nisi me shpërbërjen e ish-Jugosllavisë dhe krijimin e shteteve të pavarura si Sllovenia, Kroacia, Bosnja e Hercegovina dhe Maqedonia, më vonë me referendum Mali i Zi dhe në fund fare Kosova. Edhe kjo ndarje nuk është e mjaftueshme. Shumë nga gabimet gjeopolitike antishqiptare të 1913 kanë mbetur, përfshi dhe krahinën e Çamërisë që është shqiptare. Perëndimi tashmë është jo si në 1913, edhe raportet e tyre kanë ndryshuar. ShBA është faktori kryesor me autoritet institucional ushtarak financiar dhe instrumentë të tjerë në boten e sotme... Edhe humbja e zgjedhjeve lokale në Kosovë kanë një prapaskenë ndryshimesh... Së shpejti edhe në Shqipëri... Pastrimi i Ballkanit nga të inkriminuarit, të infiltruar,
dhe të korruptuar me para jo thjeshtë nga evazioni fiskal apo trafiqet, por nga shërbimet e huaja, do të shkojnë atje ku e kanë vendin”, shkruan intelektuali Kabo, autor i disa librave shumë të rëndësishme shkencore.
Mulliqi: Dorëheqja e Zaevit ka prapavijë politike
Në një bashkëbisedim me “Bota sot”, Skënder Mulliqi u shpreh se nuk është rastësi dorëheqja e Zaevit, mirëpo që ai arriti të në vitin 2018 të ndryshoj emrin duke e bërë Maqedonia e Veriut, i cili u akuzua sipas analisti në këtë rast edhe për tradhti kombëtare.
“Zoran Zaev thuhet së është dorëhequr nga pozita e kryeministrit të Maqedonisë Veriore , nga shkaku i humbjes në zgjedhjet lokale. Zaev ishte protagonist në zgjidhjen e problemit të emrit me Greqinë, duke e ndryshuar emërtimin në Maqedoni Veriore në Vitin 2018. Ky shtet u bë edhe anëtare e NATO-së .Opozita pro ruse dhe serbe e patën kundërshtuar këtë marrëveshje me Greqinë, duke akuzuar Zaevin për tradhti kombëtare. Partitë radikale ju penguan fortë reformat e brendshme dhe lufta kundër krimit dhe korrupsionit. Ata janë hisedarë që bën që Qeveria Zaev dhe sfida me pandeminë globale që mori shumë jetëra njerëzish në këtë republikë, ta shfrytëzojnë mirë për një ndërskamcë shtesë ndaj Zaevit”, thotë ai.
Njohësi i çështjeve politike thotë që kjo dorëheqje ka prapavijë politike dhe lidhet me interesat ruso-serbe.
Sipas tij, Rusia dhe Serbia kanë apetite territoriale edhe ndaj Maqedonisë të Veriut
“Kjo dorëheqje nga të dy postet e larta të Zaevit , sigurisht se ka prapavijë politike, që lidhet me interesat ruso –serbe në këtë Republikë dhe në rajon. Pas krizave në Mal të Zi, me popët serb në Cetinje, pastaj kriza permanente në Bosnje me luftë, ku Dodik po kërkon shkëputje të RS-ka nga BH-ja, dhe kërcënimet e vazhdueshme të Serbisë më luftë në veri të Kosovës, kanë lidhshmëri edhe më dorëheqjen e Zaevit nga pushteti. Rusia dhe Serbia kanë apetite territoriale edhe ndaj Maqedonisë të Veriut, së bashku më Bullgarinë, për të marr secila hisen e pretenduar por natyrisht e gjithë kjo do të shkonte në dëm të shqiptarëve në këtë Republikë dhe të shqiptarëve përgjithësisht”, thekson Mulliqi.
Duke vazhduar, analisti përmend Gruevskin që sipas tij ishte një përkrahës i hapur i politikave pro ruse dhe pro serbe.
“Edhe Nikolla Gruevski ishte një antishqipatar i përbetuar, dhe ishte një përkrahës i hapur i politikave pro ruse dhe pro serbe. Sa ishte në pushtet provokojë në mënyra të ndryshme shumë shqiptarët me incidente deri në vrasje të njerëzve të pafajshëm. Se a do të lejohet të përsëritet një skenarë tjetër i Rusisë dhe Serbisë nga bota perëndimore për të ardhur në pushtet “Levica” fashiste, e jo më pak se kjo fashiste as VMRO-DPMNE, mbetet të shihet këtyre muajve në vijim”,
nënvizoi analisti.
Në fund, ai thotë që situata e krijuar nga dorëheqja e Zaevit nuk është aspak e lehtë dhe do të përballet me kriza të mëdha dhe se do të jetë pre e Rusisë dhe Serbisë.
“Natyrisht se edhe ky shtet po futet si duket në spiralen e krizës së madhe politike, institucionale, por edhe në krizën me mundësi të eskalimit të situatës. Sigurisht se një situatë e krijuar pas dorëheqjes të Zaevit nuk do të jetë e lehtë për Maqedoninë e Veriut. Veç situatës së vështirë ekonomike, vendi po përballet me pasiguri të tjera për shkak të krizës energjetike që ka përfshirë të gjithë Evropën. Skenarët hegjemoniste që po thurën në Ballkan dhe kështu edhe në Maqedoni të Veriut nga Rusia dhe Serbia, janë pazare pa hanxhinë. Shqiptarët në këtë Republikë janë faktorë që nuk ka mundësi askush t’i anashkalon interesat e tyre”, përfundoi Skënder Mulliqi për “Bota sot”.
Mehazi: Në Maqedoni po krijohen koalicione inatesh
Në lidhje me këtë temë analisti Sulejman Mehazi në një prononcim për “Bota sot”, u shpreh se Zaevi ka qenë një ndër kryeminitrat që ka lënë mënjanë nacionalizmin e verbuar të qeverisë paraprake të Gruevskit e për shkak integrimeve evropiane mori guximin e madh pajtues me Greqinë.
“Nëse ndonjëri prej politikanëve maqedonas ka qenë më i përshtatshëm jo vetëm për qytetarët shqiptarë të RMV-së, por edhe ndaj fqinjëve, Greqisë, Shqipërisë, Serbisë, Bullgarisë e veçanërisht ndaj BE-së ka qenë kryeministri në dorëheqje, Zoran Zaev, i cili la mënjanë nacionalizmin e verbuar të qeverisë paraprake të Gruevskin e për shkak integrimeve evropiane mori guximin e madh pajtues me Greqinë për të ndërruar kushtetutën nga emri nacional, Republika e Maqedonisë, në atë gjeografik, Republika e Maqedonisë Veriore, që preku thellë nacionalistët maqedonas të VMRO-së së Mickoskit dhe Levicës së Apasievit të cilët si parti opozitare gjoja se janë jo vetëm kundër emrit gjeografik të kësaj republike, por edhe kundër Greqisë, shqiptarëve e BE-së”, u shpreh ai.
Më tej, ai thotë se pas humbjes së LSDM-së e humbjes së BDI-së në dy qytetet kryesore të shqiptarëve dhe dorëheqjes së Azevit, apetitet e fitores së Mickoskit erdhën në pah së bashku me ASH-AAA të Zijadin Selës, Afrim Gashit e Levicës së Apasievit për të rrëzuar qeverinë e Zaevit e Ali Ahmetit.
“Pas Zgjedhjeve Lokale e pas humbjes së LSDM-së e humbjes së BDI-së në dy qytetet kryesore të shqiptarëve, Tetovë dhe Gostivar, ku BDI-ja gjithmonë fitonte numër të madh deputetësh dhe pas dorëheqjes së kryeministrit Zoran Zaev për shkak humbjes, apetitet e fitores së Mickoskit erdhën në pah që së bashku me ASH-AAA të Zijadin Selës, Afrim Gashit e Levicës së Apasievit për të rrëzuar qeverinë e Zaevit e Ali Ahmetit. Këtij grupi opozitar iu bashkua edhe partia në pushtet e Lëvizjes Besa e cila qeverinë e LSDM e BDI-së e vu në rrezik për shkak të pakënaqësisë së një rivotimi të një vendvotimi në komunën e Zhelinës ku kandidati i Besës kishte fituar për 60-70 vota, kjo pakënaqësi e detyroi Besën t'ua kthejë shpinën BDI-së e LSDM e të bashkohet me opozitën për ta rrëzuar BDI-në e Ali Ahmetit krejt për shkak komunës së Zhelinës”, thotë profesori.
Nga ana tjetër ai shton se koalicionet e partive opozitare Mickoski, Sela, Gashi e Apasievi nuk mendojmë se kanë frymë anti- BE, anti-NATO e pro-ruse, por më shumë janë koalicione inatesh.
“Pas fitores së madhe në Tetovë, Lëvizja Besa ka marrë forcën e partisë së Dritan Abazoviqit të Malit të Zi, pa Besën nuk mund të formojnë qeveri as LSDM-BDI, as VMRO-ASH-AAA e Levica. Kështu që Bilal Kasami mund të zgjedh, ta lë pazarin e vogël qeverisës me BDI-në e LSDM-në e për të fituar një pazar të madh qeverisës me VMRO-në, ASH-AAA. Vlen të përmendim se koalicionet e partive opozitare Mickoski, Sela, Gashi e Apasievi nuk mendojmë se kanë frymë anti- BE, anti-NATO e pro-ruse, por më shumë janë koalicione inatesh ndaj LSDM-së e BDI-së”, tha Sulejman Mehazi për “Bota sot”.
