Oftamologu në Pejë lirohet nga akuza se kishte marrë 150 euro ryshfet për operimin e pacientit - Bota Sot
Oftamologu në Pejë lirohet nga akuza se kishte marrë 150 euro ryshfet për operimin e pacientit

Peja

E diel, 24 qershor 2018

Oftamologu në Pejë lirohet nga akuza se kishte marrë 150 euro ryshfet për operimin e pacientit

Më: 15 shkurt 2018 Në ora: 16:34
Ilustrim

Gjykata Themelorë në Pejë, te enjten, ka shpallur aktgjykim lirues ndaj oftamologut të Spitalit Rajonal të Pejës, mjekut Orhan Gafurri, i cili akuzohej për veprën penale “marrja e ryshfetit”.

Aktgjykimin e ka shpallur kryetari i trupit gjykues, gjykatësi Sami Sharraxhiu, sipas së cilit nuk është provuar se i akuzuari ka kryer veprën penale sipas aktakuzës.

Ndërsa, i dëmtuari Fazli Bajramaj, për realizimin e dëmit të shkaktuar është udhëzuar në kontest civil.

I akuzuari Gafurri, për vepër penale “marrje e ryshfetit”, më 21 nëntor 2016, nga gjykata e shkallës së parë ishte dënuar me 1 vit burgim me kusht që brenda dy vjetësh të mos kryej ndonjë vepër tjetër penale si dhe me 1.500 euro gjobë.

Mirëpo, Gjykata e Apelit, më 24 maj 2017, për shkak të ankesës së mbrojtjes, avokatit Gëzim Kollçaku dhe prokurores Gashi, e kishte kthyer rastin në rigjykim dhe rivendosje.

Sipas aktakuzës së Prokurorisë Themelore në Pejë, Orhan Gafurri, akuzohet se më 2 korrik 2015, rreth orës 09:05, në Spitalin Rajonal, në Pejë, në repartin e syve, si person zyrtar, doktor i oftalmologjisë, në mënyrë të drejtpërdrejtë ka kërkuar dhe pranuar përfitim për vete, në mënyrë që të veprojë në pajtim me detyrën e tij zyrtare.

Sipas aktakuzës, me kusht që ta operojë të dëmtuarin Fazli Bajramaj, nga i njëjti ka kërkuar të holla në shumë prej 150 euro.

Komentet
comments powered by Disqus
Sot mund të lexoni Shfletoni kopertinat
Sondazh
test