Historikisht Serbia ngelet ndër faktorët kryesor të provokimit dhe të regjenerimit të krizave politike në rajon, pa ngurrim mund të themi se veriu i vendit mbetet problemi më i rëndë kombëtar i Kosovës dhe ndër problemet më të mëdha në rajon. Serbia, me politiken e saj, të vjetër nuk është e interesuar ta lërë Kosovën të qetë. Nuk është veriu i qytetit problemi i pazgjidhshëm, gjërat janë të qarta si në aspektin politik, gjeografik, etnik e territorial, sepse veriu është pjesë përbërëse e Kosovës.
Askush deri më tani nuk e ka kontestuar këtë fakt, mirëpo interesat e larmishme të një pjese të bashkësisë ndërkombëtare, kalkulimet e ndryshme dhe ngurrimet kanë bërë që veriu i vendit të bëhet një lloj kanceri për Kosovën.
Të gjitha këto provokime japin pak shpresë që negociatat në mes të Kosovës dhe Serbisë, të kenë efete pozitive e të prodhojnë paqe e stabilitet politik në rajon.
Nacionalizmi serb do të vazhdoj t´u shkaktoj probleme edhe në të ardhmen popujve të rajonit, e në veçanti popullit shqiptar të cilin fakt e pranojnë edhe ndërkombëtar, andaj kjo do të mbetet sfidë në të ardhmen për rajonin e në veçanti për Institucionet e Kosovës…!