Kosovën e kanë çoroditur ata që e kanë çoroditur edhe UÇK-në

Opinione

Kosovën e kanë çoroditur ata që e kanë çoroditur edhe UÇK-në

Ragip Guraziu Nga Ragip Guraziu Më 24 gusht 2016 Në ora: 14:45

Një fjalë e urtë popullore thotë; ''Livadhin e shkretë e kullosin kuajt e verbër''. Pastaj edhe një tjetër thënie populli; ''Kur macja mungon, mijtë hedhin valle. Runa Zot prej të dobëtëve tanë!

Kosovës po i duhet urgjentisht një ligj, çka nuk ka ndodhur deri më tani në këtë  rruzullin tokësor, që ndalon rreptësisht zhbërjen e UÇK-së nga ish-komandantët që përçanë edhe luftën e UÇK-së, të viteve  1998-99. Po tani, po ata komandant milioner-ordiner, sot po e çoroditin Kosovën.

Ju drejtova juve z. Limaj me këtë letër të hapur, për shkak të vlerave që bartni në vete. Ditë më parë, keni thënë për disa mediume publikisht se: ''Kosova është çoroditur dhe nuk po dihet kush është Kryeministër dhe as President në Kosovë”.

Unë, si autor i kësaj letre të hapur drejtuar juve, jo për ndonjë nënçmim, tek e fundit edhe publikisht, në tubime dhe ndeja të ndryshme  pikërisht ju më keni prezantuar si gazetar, analist, publicist dhe keni vlerësuar shkrimet e mija si më reale dhe e paskam një guxim në vete për këto shkrime. Atëherë, po mundohem të përgjigjem, pasi prita deri tani dhe nuk pati reagime nga askush ndaj jush, as nga politikanët, deputetët, mediume elektronike e te shkruara se tërë bota e civilizuar tani është në dijeni se Shteti i Kosovës ka një kryeministër, e ky është, Isa Mustafa nga LDK-ja, dhe ka një president (disa herë ishit si dy zemra të pandara), e ky është, z. Hashim Thaçi.

A po e sheh se kjo po dihet, por nuk po dihet dhe nuk po zbulohen ata që vranë Ramiz Hoxhën dhe shokun e juaj të shkollës Selmanin në uniforma të UÇK-së me maska në kokë. Kjo është ajo që kërkohet nga qytetarët e Kosovës dhe kush na e solli në këtë gjendje Kosovën?!

Në qeverisjen e juaj z. Limaj (PDK-së,e dalë nga UÇK-ja), Kosovën e shpallet shtet të pavarur bile edhe me Kushtetutë, por Pakon e Ahtisarit e pranuat, nënshkruat dhe tani Serbia në zemrën e Kosovës, në Veri të Mitrovicës me komuna serbe, me simbole shtetërore serbe po vallëzojnë nëpër Kosovë.

Car Llazari në veri z.Limaj, me gisht nga Prishtina

Tani kohën e fundit disa komandant nga të bëmat e tyre, tani siç thotë një proverb popullore, i ka zënë aftë dhe u bëtë horë me debate fëmijësh dhe disa komandantë janë duke vuajtur dënimet e tyre e disa bile edhe për herën e dytë. E ju në këtë lojë jeni futur i pari, por autoritetin që kishit në popull si komandant ÇELIKU, këtë e keni vërtetuar edhe gjatë kohës kur ishit në Hagë por edhe pas  lirimit të juaj i gjithë kombi në përkrahje por si Fatmir Limaj komandant ÇELIKU e këtë popullaritet nuk e gëzoni tani si lider i Nismes sepse qytetari i Kosovës te ka vlerësuar ndryshe e ndryshe po ua kthen tani.

Shumë furtuna dhe luftëra kanë kaluar në Kosovë e nëpër Kosovë,por Mitrovicën,qytetin e Minatorit nuk e kanë pasur pretendime askush ta ndaj e në kohën e juaj PO?!

A ka mundësi UÇK-ja të cilësohet apo edhe të shpallet organizatë terroriste?!

Shumë herë ja parashtrojë vetës këtë pyetje z. Limaj kur kemi parasysh Gjykatën Speciale për Kosovën, gjegjësisht pikërisht për UÇK-në, akuzat e Dick Marty. Tani edhe arrestimi i komandantit të Shtabit të Përgjithshëm të UÇK-së, Azem Sylës dhe të gjithë të apostrofuarit të rastit Bllaca, po zihen në gojë edhe në rastin e Azem Sylës, ecë e beso e rri rehat.

Një fjalë e urtë popullore thotë: ''Livadhin e shkretë e kullosin kuajt e verbër''. Pastaj edhe një tjetër thënie populli: ''Kur macja mungon,mijtë hedhin valle.Ruana Zot prej të dobëtëve tanë!

Kosovës po i duhet urgjentisht një ligj çka nuk ka ndodhur deri më tani në këtë rruzullin tokësor, që ndalon rreptësisht zhbërjen e UÇK-së nga ish-komandantët që përçanë edhe luftën e UÇK-së,të viteve  1998-99, po tani po ata komandant milioner-ordiner, sot po e çoroditin edhe Republikën e Kosovës

Autori është gazetar-analist i pavarur

Sot mund të lexoni Shfletoni kopertinat