Problemi në Shqipëri është keqqeverisja dhe pushteti i Edi Ramës, të cilën e mban politika e vjetër dhe korrupsioni gjithpolitik në Shqipëri.Prandaj Rama largohet e rrëzohet nga pushteti kur të largohen politikisht dhe pëfundimisht edhe e vjetra Berisha e Meta.
i parapriu edhe miratimi i Vetting-ut, shpallja “non grata” e Berishës, dhe miratimi i ligjit për hapjen e dosjeve të spiunëve të ishsigurimit. Dhe këtë pati dhe ka si mision të tij Basha: largimin e politikës së vjetër, antipublike dhe të korruptuar e cila ka 30 vite që e mban peng Shqipërinë,shoqërinë, shtetin, zhvillimin dhe integrimin.Dhe prandaj Basha është halli, frika dhe paniku që e mban në ankth politikën e vjetër
Zgjedhjet e 25 Prillit 2021 u manipuluan dhe u blenë nga pushteti i rilindjes socialiste.
Por pse ato u pranuan dhe u njohën ndërkombëtarisht?
Kjo ndodhi sepse ndërkombëtarët nuk kishin besim se me largimin e Edi Ramës dhe të socialistëve në pushtet do të mund të vinte një opozitë e fortë dhe bindëse e cila do të mund të sillte ndryshimin. Kjo pasi gjërat dukeshin: sepse elita e re politike e Partisë Demokratike me Bashën në krye po të vinin në pushtet me 25 Prill 2021 nuk do të mund që të shmangte tensionin ,presionin dhe ultimatumet vendimmarrëse e përcaktuese të politikës dhe të politikanëve të vjetër të PD-së dhe të LSI-së , ku këta të fundit, pra dyshja Berisha-Meta politika e vjetër, ajo e cila u ndëshkua ashpër në vitin 2013, pikërisht ajo do të rikthehej në pushtet.Ndërkombëtarët nuk mund të ishin dakord me riciklimin në pushtet të politikës e të politikanëve që kanë penguar miratimin e Vetting-ut dhe që vazhdojnë që të jenë edhe sot kundër tij.Politika ndërkombnëtare dhe ajo aleate e shqiptarëve, tashmë prej 30 vitesh e lodhur së tepërmi me politikanët shqiptarë, dhe ajo insiston dhe vazhdon të këmbëngul për pastrimin e politikës së vjetër në Shqipëri.
Kjo është arësyeja se përse SHBA mbështesnin dhe mbështesin Bashën dhe elitën e re politike të PD-së, dhe që shpallën non grata Berishën dhe pastaj edhe Britania e Madhe.
Ky ishte sinjal për demokratët se pa Berishën dhe pa të korruptuarit e PD-së prej të cilëve erdhi humbja katastrofke e vitit 2013, ky ishte sinjal nga SHBA se ato kanë partner të besueshëm PD-në dhe Bashën dhe do ta mbështeste atë për të ardhur shpejt në pushtet.Ndërkombëtarët e “njohën” manipulimin e Edi Ramës , edhe për faktin se një fitore e PD-së dhe e LSI-së me 25 Prill 2021, kjo do ta ricklonte edhe një mandat tjetër Ilir Metën si President të Shqipërisë, një individ tashmë i ekspozuar si ishspiun i regjimit komunist.
Pra ndërkombëtarët jo se ishin e janë mbështetës të Ramës,por ata presin dhe shpesojnë që ndryshojë opozita , që ajo të jetë e pastruar nga të korruptuarit dhe nga politika e vjetër.
Kundër këtij realiteti lindi edhe foltorja. Foltorja e Berishës lindi si regres e kundërshti kundër antikorrupsionit, kunder non gratave të SHBA, kundër ndryshimit, kundër Bashës dhe elitës se re politike të Partisë Demokratike; foltorja e cila është ortake e rilindasve të Ramës dhe e lsi-istëve të Ilir Metës.
Ndryshimi në Shqipëri, mbështetja, fitorja dhe ardhja në pushtet e Bashes dhe elitës së re politike të PD-së në Shqipëri është fitore dhe mirësi për të gjithë shqiptarët jo vetëm të Shqipërisë por edhe të Kosovës, Maqedonisë së Veriut dhe kudo ku ka shqiptarë.
