Njëra prej tyre është e zezë dhe me sy të mëdhenj e të bukur kafe, ndërsa tjetra me lëkurë të bardhë dhe sy blu. Binjaket Myla dhe Anaya kanë lindur vetëm dy minuta pas njëra-tjetrës, por ndryshimet në pamjen e tyre janë të mëdha.
Anaya, vajza bardhoshe i ka ngjarë nënës së saj Hannah Yarker, ndërsa vogëlushja tjetër Myla i ka ngjarë babait Kyle Armstrong.
Nëna e vogëlusheve Yarker tha se njerëzit habiten shumë dhe nuk e besojnë kur mësojnë se ato janë binjake. 20-vjeçarja nga Greater Manchester (Angli) u shpreh se ajo kalon shumicën e kohës së saj duke u shpjeguar njerëzve kureshtarë se ajo është nëna e vajzave dhe se ato janë binjake.
